window.fbAsyncInit = function() { FB.init({appId: '1573699319543265', xfbml: true, version: 'v2.2' }); }; (function(d, s, id){ var js, fjs = d.getElementsByTagName(s)[0]; if (d.getElementById(id)) {return;} js = d.createElement(s); js.id = id; js.src = "//connect.facebook.net/kk_KZ/sdk.js"; fjs.parentNode.insertBefore(js, fjs); }(document, 'script', 'facebook-jssdk'));

«Classic» radïosınıñ qurılğanına - 7 jıl

18:23, 26 mawsım 2018   5326

«Qazaq radïoları» JŞS «Classic» radïosınıñ qurılğanına 7 jıl toldı. Osı aytwlı şarağa oray Almatıda radïonıñ tıñdarmandarı jäne  belgili mwzıkanttardıñ basqoswımen saltanattı keş uyımdastırıldı. Saltanattı keştiñ aşılwında «Classic» radïosınıñ dïrektorı Bayan Bayseïtova qonaqtarğa alğıs bildire kele radïo qızmetin bastağalı beri tıñdarmandarınıñ jürek tükpirinen orın ala bilgenine toqtaldı: «Osı jıldar boyı «Classic» radïosı öz tıñdarmanın taptı jäne munıñ durıs qadam ekenin bilemiz. Däl osınday klassïkalıq arnanıñ qalıptaswı üşin talay terdiñ tögilgenin basa aytqan jön.   Bastı jañalıqtarımızdıñ biri radïonıñ logotïpi özgerdi, sonday-aq, endi «Classic»-ti Qarağandı men Şımkent qalasınıñ turğındarı da tıñday aladı», - dedi. Mwzıkalıq keşti Qazaqstannıñ Xalıq ärtisi Gawxar Mwrzabekovanıñ jetekşiligindegi  memlekettik «Kamerata» klassïkalıq mwzıka ansambli  «Rodeo» baletinen «Kyuy» jäne «Hoe Down» şığarmalarımen aştı.  Sonday-aq, TMD aymağında eñ mıqtı pïanïsterdiñ biri Vïktor Xomenkovtıñ basqarwımen «Khomenkov band» - tıñ orındawında djaz  oynaldı. Keşte belgili änşi Zarïna Altınbaeva men pïanïst Aydos Baybosın öz mwzıkalıq bağdarlamalarımen keş qonaqtarın täntti etti.  Sonımen qatar,  «Satzhan Project» étno-f'yujn tobı djaz ben är türli kezeñdegi tanımal mwzıkalıq şığarmalardı fol'klorlıq janrda orındap şıqtı. Qonaqtardıñ arasında, tanımal qoğam jäne mädenïet qayratkerleri, bïznes-orta ökilderi men blogerler bar.