Кеше Астанада VI «Самғау» атты халықаралық театр фестивалі өз жұмысын бастады

Елорданың 20 жылдығына орайластырылған фестиваль аясында қала театрларының сахнасында көрермендер назарына Қазақстанның өңірлері мен таяу шетелдер театрлары ұжымдарының үздік қойылымдары ұсынылады. Фестиваль алты жыл қатарынан өткізіліп келеді. Оның басты мақсаты – театр өнері саласында ынтымақтастықты нығайту. Биыл фестивальге Қырғызстан, Өзбекстан, Татарстан, сонымен қатар Петропавл, Өскемен, Шымкент және Астана театрлары қатысып отыр. «Самғау» фестивалі аясында театр өкілдері түрлі шеберлік дәрістерін өткізеді. Шара 16 маусымға дейін жалғасады.